Владыко Вседержителю, приими смиренное моление наше о православном народе сербском. Молим Тя, Многомилостиве, о толико страждущих православных братиях наших, ихже, яко алтарь заповедный, священное поле Косово насильнически жаждут отъяти изгнавшие потомственных сербских насельников края сего, - обидчики жен и дев, убийцы, не щадящие и младенцев. Вспоминая же и вся благая, яже даша нам и отцем нашим, избегшим некогда мук и смерти от безбожных, братиям же нашим сербам во отечестве их, молим Тя, Всеблагий, воздаждь им в сей жизни временной защиту Твою от напавших на них, в вечной же жизни - спасение и радость вечную; молитвами Пречистыя Владычицы Богородицы, первопрестольника же сербскаго святителя Саввы и всех святых славянских и вселенских. Спаси, Господи, люди Твоя, вся бо возможно Тебе; и Тебе, яко Всесильиу, благодарение и славу мы вси возсылаем: Отцу и сыну и Святому Духу, во Святей Троице Единому Богу, ныне и присно и во веки веков.
Аминь.
читать дальше